افتح قلبك

وعدنا



هاي سوزي


ازيك ياقلبي

يارب تكوني بخير

النهارده جايب ليكوا بسمه

مش بسمه بنتي حبيبتي

لا بسمه يمكن تخرجنا من المود المقرف اللي عايشين فيه بقالنا كام يوم


مره حمار وهدهد ركبوا طياره

كل شويه الهدهد يرن جرس للمضيفه

ولما تيجي يقعد يغازل فيها

يقولها كلام حنين وكده

المهم الهدهد كرر محاولته دي اكتر من مره

وطبعا المضيفه بتدلعه كنوع من خدمة الركاب

المهم اخينا الحمار ربنا يكرمه حب يعمل زي الهدهد

المضيفه اتصايقت

راحت للكابتن قالتله الاتنين دول بيعاكسوني من بدري

قالها ارميهم من الطياره وريحني نفسك

ورمتهم فعلا

وهما في الجو الهدهد سال الحمار بتعرف تطير؟

الحمار قاله لا


الهدهد قاله لما انت متعرفش تطير ياحمار بتعمل زيي ليه ياحمار

هاهاهاها

سعيد بعودة الموضوع من جديد ياسوزي

سعيد ببسمه اوي اوي دي حد جميل وطيب اوي بجد

زعلان ان المنتدي فقد حد رائع زي قطرات الندي ويارب تعود الميه لمجاريها تاني

فرحان اوي بمشاركة الشاعر المنتظمه للموضوع

ويارب اكون ادخلت بسمه صغيره علي قلوبكم احبائي واخواتي اعضاء المنتدي


وفاصل وجاي تاني

عدنا من تاني

سوزي

شكلي خلاص هبات في الموضوع ده

مشكلة الموضوع ان اللي بيفتح قلبه اوي بيوقع نفسه في تساؤلات صعبه شويه

بس احسن حاجه ان الانسان يفتح قلبه ويفضفض يمكن يرتاح

بسومه الغاليه

حلم الفجر بيبقي رؤيه وهدية من ربنا

يابختك باحلامك الجميله

انا كمان نمت امبارح حوالي الساعه اربعه

قبل الفجر

نمت مرتاح اوي لاني فتحت قلبي لاغلي حد عندي

يارب ميسببش فتح قلبي مشاكل لاي حد


الشاعر

يااخوانا الحلوين النهارده اختفي فجئه توقيع شاعرنا

محدش يعرف مين اللي سرقه ؟


الموضوع ده اول مره يحصل في منتدانا

كتير كنت بغير توقيعات اصدقائي لاسباب فنيه

بس المرادي توقيع صديقي اختفي في ظروف خفيه


وفصل وجاي اكيد تاني

وجينا تاني




شاعرنا الجميل

واضح حبك الجميل نأنشغالك علي حبيبتك في مرضها

طبعا ماانت شاعر اتمني اخي وصديقي ان تزول الغمه

وتعود حبيبتك كسابق عهدها بك

كما اتمني ليك حب نقي المستفيد الاول منتدي الحب

لانك ستمتعنا باشعارك


بسمه

تواجدك في الموضوع ده بجد ومن غير مجامله

اداله شكل جميل وشجعنا ندخل ونفتح قلوبنا

وبصراحه عن نفسي بسعد اوي بكلامك بحس بمودك بصدق

النهارده معنديش حاجه تتحكي

يوم عادي زي اي يوم

مع انه خميس والخميس ليه عند كتير من الناس غلاوه

ياريت اللي يدخل يقولي يوم الخميس بيمثل ليه ايه والسبب

ويالا همشي وهاجي تاني

قبل ما امشي

انتي فين ياسووووووووووووووووووووووووووووزي

يا رب مع حبايبك ديما
ومعنا يا قمرى
والله يا شاعر انته مش بتغلس ولاه بترخم ده انت نور الموضوع ده
متغبش ابدا عنه
يا رب مع بعضنا ديما
انهارده يوم بقى حلو اوى
هو اه محصلش حاجه حلوه
بس كان فى حاجات كتير مفتقدها رجعلتى
يا رب مضعش منى تانى
فينك يا مستر
يا مع بعض ديما
فاصل ونواصل

وجيت من تاني

بناء علي طلب استدعاء من وكيل النائب العام



بسمتي وبنتي الجميله


يوم الخميس بحبه اوي بجد

زمان اوي ايام الابيض واسود مكنش التليفزيون بيجيب افلام

الا يوم الخميس بس

وكانت هيا دي تقريبا اجمل نهاية اسبوع بالنسبه لينا

نتلم وجيب التسالي ونسهر براحتنا بدون اي قلق من الاهل

زكريات الخميس بالنسبالي قديمه ومتعمقه داخلي


سوزي


يوم الجمعه مذكور في القران ولو تكلمنا عنه

لن ينتهي الكلام يكفي انه فيه ساعة اجابه

موضوعنا عن ليلة الجمعه

او يوم الخميس

جيت وبسرعه الموضوع علشان استدعائك

عاوز اقولك

كل سنه وحبيبتي الطيبه اوي شهد

استحلفتك بكل غالي وصليلها تحياتي وكل سنه وهيا بالف خير وسلام

ويارب يبارك ليها في زواجها واشوفها احلي عروسه في العالم كله



هاي ياشاعرنا الجميل


نفسي اوي الامور تصفي بين نفوسنا كلنا

ونرجع نتواجد كلنا ايد واحده وفي وقت واحد زي زمان

بكلمك بصفتك زعيم المنتدي

يارب يكون ليك دور فعال في تقربنا من تاني كلنا ايد واحده



وهاجي اكيد

طول ماانا عايش

وعدنا مره تانيه


هاي يااجمل وارق واحلي اعضاء في الدنيا

بحبكم كلكم اوي

النهارده فتحت المنتدي لقيت اخت غاليه اوي عندي داخله

اختنا الجميله love

دعاء كانت مريضه وكنت بدعيليها كتير اوي

اسعد لحظه عندي لما شوفتها معانا في المنتدي

يارب يكون ربنا تمم شفائها

يالا انا رايح وجاي

هشوف المنتدي

وجيت وانا فرحان اوي من تاااااااااااااااااااااني


النهارده الاهلي اتغلب

هههههههههههههه

والزمالك بيلعب مع انبي ولحد دلوقتي غالب واحد صفر


ربنا علي القووووووووووووووووووووووووووووووي


ويهد المستقوي علي الناس

هههههههههههههههههههههههههه


ويالا انا رايح اكمل الماتش

تعرفوا لو الماتش اتقلب واتغلب الزمالك


مش جاااااااااااااااااي

وجيت تاني بسرعه اوي

لسببين حلوين

الاول ان الماتش انتهي علي خير وكسبنا الحمد لله

جيت افرح هنا شويه في افتح قلبك

ومع سوزي مش هتغمض عينيك


السبب التاني بقي واللي دخلني علي ملا وشي

هوا سؤال سوزي اللي سائلته

ياسوزي

ازيك

عامله ايه

نشاطك واضح الايام دي

يارب دايما ياقلبي يارب

بصي بقي ياغاليه

ما دام بيجي وبيتاسف يبقي حلو اوي

الانسان اللي بيتعرف باخطائه جميل اوي

اكيد حد قلبه طيب اوي زيك بجد

اسمعيه ياسوزي

اوعي تغيري معاملتك معاه

خليه يحس انك الصدر الحنون اللي بيغلط ويرجعله تائب

اوعي تقفلي في وشه ابواب الخير

يارب ياحبيبتي تتهني بقلبك الجميل الطيب

ويارب يكون كلامي قريب من قلبك وتحسي بيه

وهاجي اكيد

افتح قلبك بقي شقتي اللي بسكن فيها

بحب الموضوع ده جدا

شكرا ياسوزي علي البيت الكبير اللي فتحتيه لينا علشان نفضفض فيه

وفاصل وهاجي

عدنا من جديد
وجيت تانى علشان اخى الفاضل
مستر محمد
جاوب على سؤالى
طبعا اجابه حضرتك قريبه جدا من قلبى
ومتفقه معاها جدا
بس فى جانب فى السؤال انا لم اوضحه جيدا
باقى السؤال؟؟؟؟
لو الشخص ده جه كل مره ويقول اسف نفتح صفحه جديده
ويتكرر ذلك الاف المرات
وكل مره يقول كده؟
تعتقدوا
انى او اى حد فى الموقف ده ممكن يسامحه؟
يا ترى هتسامحه برده
وعادى ولاه كان حاجه حصلت
ده مغزى السؤال
الى علشانه سالت السؤال ده؟؟؟؟؟؟؟؟؟

عدنا

بسومه

جميل رايك اوي عجبني

شايف فيه كمية تسامح بس محتاجه تكبر شويه

وشكرا علي مباركتك للماتش

عندك حق مش كل يوم هنفرح

دي مره كده


سوزي

كلامك مش عاجبني

علشان كده هروح لفاصل

ويمكن مجيش