كل سنه وانتى طيبه يا مامتى

بكره ان شاء الله

مناسبه حلوه اوى

عيد احلى حد فى الدنيا


عيد الام

يلا كل عضو يدخل يقول كلمه لماما


وانا هبدأ


ماما

يا اغى واحب الناس

بحبك وانتى ملجأى الوحيد

انت الحضن الى بهرب وارمى نفسى فيه يوم لم الدنيا تضيق فى وشى

وانت الباب الى بلاقيه مفتوح لو اتقفلت الابواب فى وشى

ااسفه على اى لحظه زعلتك فيها

مقصدتش
عمرى انى ازعلك

بس كنت صغيره ومش فاهمه
انهارده بعد ما عرفت يعنى ايه ام

مش عارفه ازاى اعوضك عن اى لحظه زعلتك فيها

وفى يوم عيدك مفيش اى هديه تليق بيك

فبهديكى قلبى وحبى

ودعايا لرب العالمين

يارب يخليكى ليا
ومتحرمش من حضنك


[

مناسبه من ارقي واروع المناسبات

بحس انه اليوم الوحيد في السنه اللي الام بتتكرم

مع انها مفروض تتكرم كل ثانيه ولحظه من لحظات عمرنا

كلامك منطبق عليا طبق الاصل يااحلي دنيا

زمان كنت ولد شقي

كثيرا ما تعبتها معايا

لما كبرت حسيت اني كتير ظلمتها

يارب ترضي عني

وبجد انا عايش بدعاها بس

اي شده بقع فيها قلبي بينده يقول ادعيلي ياامي

ودايما بخرج منها سليم معافي

عيد ميلاد سعيد يااغلي ام

وعيد ميلاد سعيد ليكي ايضا يااحلي دنيا

بابختك

عيد الام

وعيد ميلادك

عيدين ياعم

طبعا بهديتين

ههههههههههه






الام


كلمة تحمل كتلة لا حدود لها من معاني الحب والحنان والعطف،

كلمة لا تعرف حدود الحرمان،

لا نمل جميعا من تكرارها،

بل تزداد كل يوم ارتقاء وسمو ورفعة

وتظل سرا غامضا يكتنز دفء الحياة بأكملها

احلى دنيا

فكرتك رائعه وجميله

وبمناسبه عيد الام

اسمحيلى انى اعمل حفله لماما هنا فموضوعك

ومش لماما بس

كمان ليكى يا احلى ام

ولكل امهات اعضاء المنتدى



ليكى يا امى يا احلى ام

فيومك احترت أهنيكى



اقول ايه واقدم ايه

وانتى اديتى كل شئ

انتى يا امى سر وجودى




انتى سعادتى وكل حياتى

اقولك ايه ولا ايه

ياما سهرتى بيا فمرضى

يا ما غضبت وصالحتينى

ياما ضحكت وشاركتينى

انتى يا أمى سر حياتى

لولا حبك ما عرفت الحب

لولا حنانك ما دوقت الحنان



عارفه يا أمى

نفسى اطلع السما واجبلك قمرها

وروح للبحر واجيبلك خيره

بحبك يا احلى ام


ولكل ام شهيد بقول

عرفه دموعك وحزنك عظيم

بس شهيدك ليكى شفيع

هياخدك معاه لجنه العظيم

ابنك كان ابن عظيم

فيومك انا وكل ابناء الدنيا ولادك

وبنقولك

ياريتنا مكان ابنك الشهيد

دموعك فداها قلبى وعينى

عوضك عند رب العالمين