نئيد سيادتك للنجم

نؤيد سيادتك

نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره

هههههههههههه
هههههههههههههه

كفايه بقى وستين كفايه…….. برتنا ولا القلم ببرايه
برايتك كبيره وبتفرم كتيير……. مايمنعهاش قوانين ولا دساتير
بجد حرام بجد كتير………حاول تصحي شوية ضمير
عدت سنين ووراها سنين ……..25 ويمكن 30
بيقولو إليي تحتك هما المتسببين……في كل الي بيجرى وعلى الشعب دايسين
حتى لو هما ظلمه ودسساسين…….بسببك توحشو زي الشياطين
كًلو اكل المطحونين وسبوهم جاعنين………………..وهم واكلين وفي مارينا مصيفين
شوف بقى وهقلك كلمتين….. شاليهاتكم في جهنم متشطبين وففري كليين
وقصرك مبني دورين جاهزين…………..هتشوف عذاب بقهرك لملايين
بشفق عليك من عذاب ارحم الراحمين…………..تخيل تتحاسب بدل المليون 80
منتا الرياسه ولازم تكون……….ازيد من شعبك حتى في الذنوب
يارب ادخل الجنه مع المظلومين……………….علشان نتفرج على عذابكم يا ظالمين
نمرض ونتعب ونهلك ونموت……وانت بتتفرج وبوجعنا مبسوط
مبتعلجناش على حساب الدوله كماااان……………ونعالجك على حسابنا عند الالمان
تعالى بقى من عندهم يافنان…..تعالى لحسن الشعب خرمان
وحشو الظلم والافترى بمنتهى الحنان…………..مش بقلك ده انت بجد فنان
حرام عليك عطلت صاحبنا……….عاوزين نجوزو لحسن يتعبنا
عاوزين يكون جوازه (مبارك)………ونلبس (نظيف) وننزل نبارك
ي(جمال)ك وانت قاعد في الكوشه…..وشعرك مفيهوش شعره منكوشه
تخيلو معايا تفاصيل مقابلة اهلها……..ياعمي انا بجد بحبها
طيب يا ابني شغال اييه ومعاك اييه……….رئيس الوزاره وبيقلولي يابيه
الفيلا في طريق اسكندريه……والشاليهات في مارينا اهي مرميه
مهر مليون ومؤخر كبيير…..يا اونكل متخفش الخير كتير
وافقنا يا ابني على خيرة الله……اوعدك يا اونكل ما تقولش ببا
رساله للظلمه ربنا يزيد ظلمكم………….هتخدو عذاب كتير ولا يهمكم
اتمنى عذابكميكون احسن منا كمان……….هتشوفو الغذاب باحلى واجمل الوان
حسبي الله ونعم الوكيل…………….بقولها بلسان ملاين كتير

انا كدة كدة
ضامنة خلاص انى
راحة فى داهية

ههههههههه