عبدالعزيز موسى مشرف
عدد الرسائل : 3588 مزاجى : تاريخ التسجيل : 21/04/2010
| موضوع: دستــــــــور الإثنين 05 يوليو 2010, 12:57 | |
| إلَّا الدستور
دستور يا سيادنا.. من عين حُسادنا نطلع على مادنة.. ونقول دستور
ونقول لولدنا.. ياما قُلنا وعدنا ولا شىء يسعدنا.. أدْ الدستور
دستور ياخونا.. يرفعنا يشيلنا م النار للجنة.. بنقول دستور
أحكام عُرفية.. وطوارئ رايحة وطوارئ جاية.. من غير دستور
والدنيا خدتنا.. من يوم ثورتنا وحاجات نسّتنا.. شكل الدستور
فى تاريخ مكتوب.. عن حال مقلوب وذنوب فى ذنوب.. باسم الدستور
إزاى يتعدل.. وإزاى يتبدل عدل يا معدل.. وضع الدستور
وأمانة عليك.. ترسم بإيديك وتشوف بعينيك.. معنى الدستور
دستور مستور.. والفرق سطور بين شكل الضلمة.. وشكل النور
والشعب خلاص.. فطموه وخلاص وخلاصه خلاص.. إلّا الدستور | |
|
love مشرف
عدد الرسائل : 1915 مزاجى : تاريخ التسجيل : 21/12/2009
| موضوع: رد: دستــــــــور الإثنين 05 يوليو 2010, 16:26 | |
| دستور دستور يا أسيادنا دستور يا اخوانا يا بعدا لأ سوري دستور م البعدا محبوس حابس يا سيادنا و بكاكي من فوق مدنة و ورايا ديوك بيكاكو حرصوا عالباقي معاكو بركة مولانا هولاكو حلت و علينا اللعنة
طرطور طرطر طراطير بيغروا فالدساتير و لا عاد فالحتة كبير و يا وارث تورث مين ما الورث إتباع و إتبعنا
نرجع تاني لموضوعنا و بيان لديار الإفتا من جمهورية زفتا لعبو و عملوها إستفتا صوت ياللي سامعنا و قول ملك ولا كتابة أسد شبلا ف الغابة و احلف وحياة راس بابا زفة فمولد كدابة و الله يجازي اللي خدعنا
للجوكر ألف تحية ملعون خاش الحرية يحيا قانون العبودية و الحكومات الشمولية و القوانين الوضعية لها مني ألف تحية وحياة أمي دي رجعية و لو صوتنا و جعجعنا
واحد ولافيش غير هوه قاعد متربع جوة و بكيفك أو بالقوة لو سوبر مان و فتوة روح قله بقى يودعنا مزيكة و تراباتتو و نفديك بالدم.. إفدوه بس إحنا ورحمة أبوه مين ده اللي حيلوي دراعنا
روح هاتلي لمون بالصودا انا حاسة بريحة شوطة حيصعدوا فصل الروضة و الورث حيصبح موضة لم الجدعان و اتبعنا على قهوة ساقية مكي نصرخ نلطم و حنبكي ده ناويها و بيتكتكلي قبل ما حتى يودعنا الموضوع الأصلى من هنا: مجموعة البورصة المصرية ظقططوا يا عيال قولوا هيه الحكم صبح تيك أواي لو عايز قول أوكيه و لو رافض قول أوكيه في كلا الحالتين نوو واي غير كودية و زار ينفعنا
أنا عايزة بخور م الجاوي و حمار أرمل و حصاوي و دراع برغوت مش غاوي تنطيط عفريت و مخاوي شلة مقاطيع يقطعنا
حابس من شر الكرسي من شر عزيزة و مرسي من قرص النمل الفارسي م الأحياء و الأموات من كايرو إلى بغداد
أشتات أشتوت أشتات حرصوا من لعب السيكا م الحكشة و م البولوتيكا و لا تشمت يوما فيكا مارشيل بنت أم ماريكا قول حاجة الله يهديكا و ادعي معايا يخليكا حلوا بقى عن أوجاعنا و انصرفوا عليكوا اللعنة انصرفوا عليكوا اللعنة
على فكرة ياعبد العزيز انا لو روحت فى داهية ودى طبعآ اكيد هخدك معايا اصل انا فى الحاجات دى ندلة اوى مش عندى عزيز هههههههههههههه ههههههههههههه | |
|
عبدالعزيز موسى مشرف
عدد الرسائل : 3588 مزاجى : تاريخ التسجيل : 21/04/2010
| موضوع: رد: دستــــــــور الثلاثاء 06 يوليو 2010, 07:11 | |
| متقلقيش اخونا الكبير عادلى هيقف ورانا بس عسا الله ما يكونش زيك ههههههههههههههه الحق دايما منصور يا دودو وتفاؤلوا خير ان شاء الله تحياتى ليكى يا اجمل دودو | |
|