نصائح للبنات فى فتره الخطوبه

جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه ....لوكان عدل كانت هى خدته


*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها


*متفضحيش الدنيا أما يجيلك عريس أصبري شوية لما تمسكيه كويس هتسيّحي لنفسك ع الفاضي وتتحسب عليكي خطوبة


*في أول مقابله لو لاقيتيه بيبص ف ساعته ...قاعد مش على بعضه... وشه إتخطف وبان عليه خيبة الأمل إعرفي إنك معجبتيهوش ... إسبقي إنتي وقولي إنك رافضاه متخليش واحد زي ده يقول أنه مش عاوزك


-- متزعليش عليه ولا على غيره.. الرجالة زي الأتوبيسات واحد عدّى التاني جاي وراه


--


-- الرجالة زي المطبات كل ما تفتكري خلصت منهم هتقعي في مطب جديد مش عاملة حسابه


*لو معجبتيش أكتر من واحد إوعي تحسي بالإحباط . بكرة هيجي اللي أحسن منهم إلا ما كان واحد..فيهم عدل


*مهما كنتي وحشة متقلقيش فيه اللي أوحش منك وإتجوزوا عادى


-- بعد الخطوبة --


*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها


*إوعي تقوليله بحبك أو عينيك عجباني الراجل ميحبش كده أبدا


*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر


*لو سألك عرفتي حد قبلي قوليله لا حتى لو كنت مصاحبة شباب مصر كلها


*لو حاول يوقعك ويقولك بحب الصراحه وكده، برضه خليكي ناصحه أنتى عمرك ما عرفتي راجل غير باباكي واخوكى لو ليكى اخوات شباب طبعا


*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله


*بلاش زن ورنات تليفونات ورسايل حب وغرام دول عالم .... مش هيقدر الحاجات دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل


*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم


* سيبيه يرغي براحته وعدي الفشر اللي هيفشره عن البنات اللي دايبين فيه دوب سيادته إعملي إنك مصدقاه مع أنك عارفه إنك لولا خايفة لا تبقي عانس مكونتيش قبلتي بواحد زيه


*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه ..خليه على عماه
احنا ما صدقنا وقعناه

ويا ريت كل ولد وبنت

يقولى / تقولى هل فى حد فى حياته/حياتها

مش شرط مخطوبين ممكن بيفكروا

بس بصراحة

وياريت اعرف رئيكم فى الموضوع

مرسى بجد يا جماعه ليكو كلكوا والى لفت بالى للموضوع انه مضحك بس مش اكتر وانا عمرى والله يا عبد العزيز ما وقفت فى صف حد بس انا بعتبره ضحك مش اكتر

فرحتنى بجد جدا بكلامك ده ومرسى على مشاركتك للموضوع

يااااااااه مش عرفه اشكرك ازاى على حفاظك للسر وعلى فكره انا كنت متاكده انك هتحافظ عليه عشان كده قلتهولك