منتدى الحب



 
الرئيسيةالبوابةاليوميةمكتبة الصورس .و .جبحـثالتسجيلالأعضاءدخول

شاطر | 
 

 مقارنه بين حاسوب الولد وحاسوب البنت

اذهب الى الأسفل 
كاتب الموضوعرسالة
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: مقارنه بين حاسوب الولد وحاسوب البنت   الإثنين 09 أغسطس 2010, 22:19

بسم الله الرحمن الرحيم

من النظرة الاولى
من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعب وتلاقيها لازقة عليه صور فراشات او صور رقيقة وقلوب وحاجات كلها دلع ورقة وتلاقى كرسيها نضيف و سليم و شكله حلو و محطوط بشكل صحيح امام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقيقة شخصية ليها او صورة بنت جميلة او وردة


تقلب فى الملفات تلاقى اسماء الملفات عندها جميلة زى


صور اطفال
صور فساتين
صور موضة
افلام رومانسية
اغانى عاطفية



تفتح الهيستورى بتاع الجهاز تلاقيها كانت مشغلة حجات زى


فيلم تيتانيك
مواقع نكت
مواقع موضة
قهوة كتكوت
اغنية تملى معاك
اغنية بهواك
مواقف كوميدية



تفتح الميل بتاعها تلاقيها حاطة نك نيم رقيق زى


بنوتة شقية
دلع
حبوبة
حب عمرى
بوسي كات

لو دققت شويه فى تاريخ تسطيب الويندوز ممكن تلاقى الويندوز شغال معاها من حوالى 7 او 8 شهور
متغيرش
تيجى تشم ريحه الجهاز تلاقى رحته برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل




-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-



نخش على اجهزة التماسيح


من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة
ومطلعينه من ترعة
تلاقى الكيسة مفتوحة من كل ناحية وفيها خروم غريبة ولو بصيت جواها تلاقى فيها حاجات ومواد غريبة
غالبا ممكن تكون مواد مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه و متعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحده
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور -ده لو لقيته- وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريبة واصوات تانية شبيهه بالطرقعة المكتومة
تعدى كل ده وتبتدى تفتح الويندوز تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب



تدخل تقلب فى الملفات تلاقى اسماء الملفات غريبة وعجيبة


طرق لف سجارة بنى 1
طرق لف سجارة بنى 2 مع الصور
هزار بوابين
بتنجانة
صور معيز
صور حوادث
مصارعة


و 70% من الملفات هتلاقيها تحت سلسلة اسماء


New Folde11
New Folde12
New Folde13
New Folde14
الى ما لا نهاية
واتحداك لو يعرف ايه الفرق بينهم اصلا



تفتح الهيستورى بتاعه تلاقى اخر حجات شغلها زى


Saw 3
ديد سيلنت
اغنية البلح البلح
صور مصارعين
اسماء مواقع تخاف اصلا تخشها
رقص بالسيوف



تفتح الميل بتاعه تلاقيه حاطط نك نيم يرعب البنات


الشيطان 10
البجح
سفاح المعيز
المحشش
كمبورة
عاشق الموت



لو دققت فى تاريخ تسطيب الويندوز ممكن تلاقيه مسطبه قبل متيجى بساعتين


طبعا ريحه الجهاز هتلاقيها شبة موتور العربية المحروق
ولما يجى يطفى الجهاز لو فاتح ايه ميقفلهمش واحده واحده لا يشد الكابل على طول من غير تفاهم اكنه بيعذب كافر
لانه طبعا ميعرفش حاجة اسمها امر شود داون


كمان لو فى فلاشه يا لهووووووى
اما فلاشه الشباب طالع مكسوره ومن غير غطاء اصلا وتحس ان قطار معدى عليها
هههههههههههه ياااااه بجد منظركو وحش خالص هههههههههههههههههههه
الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: مقارنه بين حاسوب الولد وحاسوب البنت   الثلاثاء 10 أغسطس 2010, 06:06

نخش على اجهزة التماسيح
من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
كده برده الهى يارب اشوف البوردة عندك مكسرة والهارد مولع والرمات سايحة والشاشه مخرمة يارب يارب يارب الماوس تجيلة قطة مسترجلة شوية تخلص عليه ولا تلاقى شبكة نت وتحولى على اتصالات يارب اشوف فيكى يوم

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: مقارنه بين حاسوب الولد وحاسوب البنت   الثلاثاء 10 أغسطس 2010, 11:50

وانت مضايق ليه بس يا عبد العزيز خد الموضوع ببساطه وبعدين دا مش اى كلام كده وخلاص دا كلام كل الناس عرفاه ومتاكده منه انتو بس اللى مش بتحبو الحقيقه بس انت اصلا من جواك مقتنع بالكلام ده وبالنسبه للجهاز بتاعى ان شاء الله مش هيحصله حاجه لانى مهتمه بيه جدا جدا مرسى على مشاركتك
الرجوع الى أعلى الصفحة اذهب الى الأسفل
البسمة
المشرفه العامه
المشرفه العامه
avatar

عدد الرسائل : 9381
مزاجى :
تاريخ التسجيل : 17/12/2009

مُساهمةموضوع: رد: مقارنه بين حاسوب الولد وحاسوب البنت   الخميس 12 أغسطس 2010, 17:51

ههههههههههههههههههههه

بصى انا هقولك على سر

انا جهازى تبع التماسيح فى شويه حاجات

والسبب انه كان بتاع اخويا وانا اخدته منه

يعنى هتلاقى عندى ايه

اهم حادثه لسه حصللى امبارح مكنتش فالبيت

رجعت لقيت بنت اختى معرفش عمله ايه بالظبط فالكرسى

مش عارفه اعليه ولا انزله

وبيلف بالعافيه

هههههههههههههههههه

متزعلش يا عبد العزيز

باقيت معاكم

موضوع حلو اوى يا نورا

دايما مواضيعك حلوة زيك

_________________





مفيش فى علبة الألوان
ولا لون واضح..
لا الأسود دايما حزين
ولا الأبيض
بقى يعرف يسامح..
بتتقابل الألوان مع بعضها
لكنها بتفترق
أول ما بتنهى المصالح..
لا ده لون الأمان
ولا ده لمسة حنان
ولا ده الدفا
اللى قادر يزيح البرودة.
يااااه..
مفيش لون فضل
زى ما عرفناه.
من يوم ما البحر اختفى
واللون الأزرق تاه..
لا الأصفر هو الخريف
ولا الأخضر
يعنى الحياة..


الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: مقارنه بين حاسوب الولد وحاسوب البنت   الخميس 12 أغسطس 2010, 22:57

هههههههههههه
ايوه شفتى كان تبع اجهزتهم
ليه عشان كان بتاع اخوكى
وشكل بنت اختك كمان صغيره
يعنى تتحسب مع التماسيح
هههههههههه ومرسى على
مشاركتك بس ونبى يا بسمه
عيزاكى تهدى عبد العزيز شويه
لحسن حاسه انه خلاص جاب اخره منى
الرجوع الى أعلى الصفحة اذهب الى الأسفل
محمد العادلي
مراقب عام
مراقب عام
avatar

عدد الرسائل : 14926
العمر : 54
مزاجى :
تاريخ التسجيل : 31/12/2007

مُساهمةموضوع: رد: مقارنه بين حاسوب الولد وحاسوب البنت   الإثنين 16 أغسطس 2010, 22:06



هههههههههههههههههه

كده يانور

علي العموم

انا جهازي دايما جديد ومعتني بيه جدا جدا

احدثه دائما واعتني بشكله ونضافته جدا

مشكوره نور علي الموضوع المضحك جدا

فضلت اضحك عليه يجي ساعه

ههههههههههههههه


_________________












بحب القلب لو طيب واقول الله

بكلمة حب تجمعنا لا مال ولا جاه

تعالوا نملأ الدنيا بحب الله

ندوس على كل أحزانا وقوله آه








إذا كنت لاتقرأ إلا مايُعجبك فقط .. فإنك إذاً لن تتعلم أبداً








الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: مقارنه بين حاسوب الولد وحاسوب البنت   الإثنين 16 أغسطس 2010, 23:10

مبسوطه جدا جدا انى قدرت
اضحك حضرتك ومرسى على
ردك للموضوع
الرجوع الى أعلى الصفحة اذهب الى الأسفل
 
مقارنه بين حاسوب الولد وحاسوب البنت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحب :: الترفيــــه والتسليه :: اضحك من قلبك-
انتقل الى: