منتدى الحب



 
الرئيسيةالبوابةاليوميةمكتبة الصورس .و .جبحـثالتسجيلالأعضاءدخول

شاطر | 
 

 انا مين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: انا مين    الأربعاء 18 أغسطس 2010, 00:12

سؤال قد عرض فى وقت من الأوقات وخاصة الآونة الأخيرة على صفحات الجرائد والإنترنت والمحطات الفضائية للرد على كرامة شعب اتهان وإجابته كانت صريحة وصحيحة جدا كمان وكلنا عارفينها لكن إجابة السؤال ده عند كل مصرى من جواه وبداخله جواب بشكل مختلف، فلو سألتنى دلوقتى انت مين؟ كنت هقلك أنا كنت؟ مش أنا مين دلوقت؟ أنا كنت عبد الناصر والسادات ونجيب محفوظ وزويل وغيرهم أما أنا دلوقت: فأنا الزمان مش الحاضر وأنا الماضى مش المستقبل فأسأل وأنا هقلك إجابات كتير ومتستهونش بيها ومتقلش إنى إنسان عاجز ويائس لكن شوف من حواليك واحكم فأسأل؟

انت مين؟ أنا المصرى اللى كنت بمشى زمان فى أى مكان فى العالم رافع راسى والكل عامله حساب بسبب أرضنا الستردناها وكرامتنا وحقنا اللى رجع لنا فمحدش يقدر يستهون بينا؛ لكن احنا دلوقت فين، فأنا الشاب اللى ممكن يطلع بره بلده عشان يشتغل ويلاقى نفسه بيضرب ويتهان ويتظلم من دكتور لغفير ومحدش يرجعله حقه.

انت مين؟، أنا اللى من شوية قلت هحارب غلاء الأسعار وهقاطع اللحمة ومش هاكلها مجتش عليها يعنى لكن دلوقت وصلت كمان إنى هقاطع كباية الشاى عشان السكر.

انت مين؟ أنا اللى وقف فوق الكبرى استنا مواصلة اركبها بالساعتين عشان اتشعلق فيها وفى الآخر ألاقى أمين شرطة يقلى لا استنه ساعة كمان عشان فى أهم منك موكبه معدى وألاقى الخصم بعد كده فى شغلى بالميات ويوم ما أركب مواصله أعافر مع السواق اللى بيستغلونا عشان كل يوم بيرفع فى أجرة الركوب بدون أدنى حق لأن لقا كله بينهب اشمعنا هوا.

انت مين؟، أنا الشاب اللى بيحاول يدور على بيت وبيحلم بوظيفة ويكون عش صغير يستره ويبقاله زوجه وأولاد ومش عارف بسبب تكاليف الزواج وأسعار الشقق.

انت مين؟ أنا الشاب اللى غامر بحياته وحاول يهرب عن طريق البحر وغرق واضرب بالرصاص وحشر نفسه جوه عجل الطيارات عشان افتكر ان مصيره بره أحسن والحظ مستنيه.
انت مين؟ أنا شاب زى الشاب خالد سعيد حاولت أقول كلمة حق واعرف الناس حقيقة بعض اللى بيحمونا وحنا نايمين اتهنت واضربت واتقتلت بدون رحمه وفى الآخر طلعونى بشرب مخدرات دون احترام لموتى وده مصير أى شاب هيحاول بس ينطق بأى كلمة ويعبر عن رأيه لأننا فاكرين إننا فعلا فى بلد ديمقراطى.

انت مين؟ أنا بحلم بالآمان وأنا ماشى فى شارعى وحارتى بين أهلى وناسى ومش لاقيه لأن الناس بقت بتعبر عن غضبها بأنها بقت بتاكل فى بعضها وتقتل فى نفوسها لأن مبقاش فى أمل فى الحياة.

انت مين؟ أنا دلوقت فى سفينة كبيرة وسط أمواج ورياح بتهب حواليها وعاوزة تكسرها وقبطانها راجل متمكن جدا بس نسى إنه كبر وآن الأوان إنه ينسحب و يسيب الدفة لحد قادر وفاهم يدير السفينه ازاى قبل ما تغرق اكتر.

انت مين؟
هقلك أنا من الآخر المواطن المطحون اللى مبقاش له كرامه واضرب بره قدام العالم ومحدش رجعله حقه واللى نصفه ربنا سبحانه وتعالى واتهان جوه من أهل بلده بشتى الأشكال من ساعة ما بيقوم الصبح لغاية لما بيحط راسه على مخدته فمتحاولش تسألنى انت مين تانى فى الوقت ده ومتقلش إنى إنسان يائس وفاشل وعاجز لأن الزييى كتير من دكاتره وصيادله ومهندسين وعلماء ومفكرين لغفير ومزارع وعامل فأنا اللى دلوقت هسألك عرفت أنا أبقى مين؟؟؟؟
الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: انا مين    الأربعاء 18 أغسطس 2010, 07:42

منك لله قلبتى عليا المواجع
نورا ابعدى عن الطريق ده يا ماما
كلماتك وموضيعك الرومانسية جميلة
سيبى الموضيع دى للتماسيح
وعلى الرغم من كده بس مبسوط قوى
انك بقيتى نورا بجد
اللى انا اعرفها

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: انا مين    الأربعاء 18 أغسطس 2010, 08:37


ان خفت متقلش وان قلت متخفش مش دا
كلامك وعموما الجرءه دى انا اتعلمتها منك
وبعدين انا ممنعتش التماسيح انهما يكتبوا
عايز تكتب حاجه اكتبها ومرسى على ردك
للموضوع
الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: انا مين    الأربعاء 18 أغسطس 2010, 08:41

ولاه يا جامد
ههههههههههه

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: انا مين    الأربعاء 18 أغسطس 2010, 08:42

هههههههههههههه
تلميذ يا باشا
هههههههه
الرجوع الى أعلى الصفحة اذهب الى الأسفل
البسمة
المشرفه العامه
المشرفه العامه
avatar

عدد الرسائل : 9381
مزاجى :
تاريخ التسجيل : 17/12/2009

مُساهمةموضوع: رد: انا مين    الأربعاء 18 أغسطس 2010, 09:39

اهلا اهلا

منوره يا نورا والله

يا بنتى متتبعيش السياسه انتى لسه صغنونه

بس تصدقى فعلا موضوعك بيعبر عن حال المصرى

بقينا شعب مطحون بجد

دمتى بسعاده اختى

_________________





مفيش فى علبة الألوان
ولا لون واضح..
لا الأسود دايما حزين
ولا الأبيض
بقى يعرف يسامح..
بتتقابل الألوان مع بعضها
لكنها بتفترق
أول ما بتنهى المصالح..
لا ده لون الأمان
ولا ده لمسة حنان
ولا ده الدفا
اللى قادر يزيح البرودة.
يااااه..
مفيش لون فضل
زى ما عرفناه.
من يوم ما البحر اختفى
واللون الأزرق تاه..
لا الأصفر هو الخريف
ولا الأخضر
يعنى الحياة..


الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: انا مين    الأربعاء 18 أغسطس 2010, 09:44

افرحى يا بسمة
طلعتلكم اجيال اهوه
سياسة
ودين
ربنا يحرصها

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
محمد العادلي
مراقب عام
مراقب عام
avatar

عدد الرسائل : 14926
العمر : 53
مزاجى :
تاريخ التسجيل : 31/12/2007

مُساهمةموضوع: رد: انا مين    الأربعاء 18 أغسطس 2010, 19:54




وبتفتخر اوي ياعبد العزيز انك معلم بنوته لسه في ربيع عمرها

طريق ليس له نهايه سوي البكاء علي اللبن المسكوب

ياريت تعلمها الاجمل من ديننا ودنيانا

موضوع كبير اوي عليكي يانور

ياريت تبعدي عن طريق السياسه

شكرا لتعبك



_________________












بحب القلب لو طيب واقول الله

بكلمة حب تجمعنا لا مال ولا جاه

تعالوا نملأ الدنيا بحب الله

ندوس على كل أحزانا وقوله آه








إذا كنت لاتقرأ إلا مايُعجبك فقط .. فإنك إذاً لن تتعلم أبداً








الرجوع الى أعلى الصفحة اذهب الى الأسفل
Admin
Admin
Admin
avatar

عدد الرسائل : 587
العمر : 29
مزاجى :
تاريخ التسجيل : 12/11/2007

مُساهمةموضوع: رد: انا مين    الأربعاء 18 أغسطس 2010, 21:46

موضوع رائع اوى يا نور وجميل وبحيكى على انك تكتبى موضوع كبير اوى كده على سن 14 سنه بس عارفه الاحسن بدل ما نتكلم على حال البلدوالمشاكل والسياسه والحجات الكبيرة اوى دى نقول احنا عملنلها ايه نحث غيرنا على انه يعمل احسن ومش نكون محبطين كده بنقول دة حصل وجرى
هسألك عرفت أنا أبقى مين؟؟؟؟


للاسف انا معرفتش انتى مين
لانك مقولتيش انتى مين والا فين من الحالات اللى عرضتيها
تقبلى مرورى

_________________


--









الرجوع الى أعلى الصفحة اذهب الى الأسفل
http://bony.yoo7.com
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: انا مين    الخميس 19 أغسطس 2010, 21:20

اولا انا بشكر عبد العزيز وبسمه والمستر جدا على ردهم للموضوع
ثانيا بالنسبه لسنى فاعتقد ان الموضوع ملهوش
دعوه خالص بالسن دى حقيقه كل الناس عيشاها
وحساها وكل الناس متاكده منها وانا مكدبتش فى ولا كلمه فى
الموضوع
ومرسى جدا على مشاركتك للموضوع ومرورك اسعدنى كتير
الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: انا مين    السبت 21 أغسطس 2010, 06:11

كلامك جميل يا نورا
فعلا
بس انا بقول نبص للدراسة
للدين
للعلم
للمطبخ
احسن شوية من الكلام ده
خدى بالك من نفسك
ودايما
تسمعى كلام اكبر منك

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: انا مين    السبت 21 أغسطس 2010, 18:39

والله اه صح يمكن عندك
حق انا مش عرفه ارد
عليك بجد غيرت وجهه
نظرى عنك خالص
ومكنتش اعتقد ان ممكن انت اللى ترد الرد ده
وعموما مرسى على مشاركتك للموضوع
الرجوع الى أعلى الصفحة اذهب الى الأسفل
محب
عضو فضى
عضو فضى
avatar

عدد الرسائل : 362
تاريخ التسجيل : 24/11/2010

مُساهمةموضوع: رد: انا مين    الجمعة 10 ديسمبر 2010, 13:10

لسه معرفتش انتي مين

مين دي يااخونا
ياريت ياالبسمه او المستر حد يقولي اكيد هيا مش هترد

الرجوع الى أعلى الصفحة اذهب الى الأسفل
 
انا مين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحب :: المنتدى العام :: الملتقي العام-
انتقل الى: