منتدى الحب



 
الرئيسيةالبوابةاليوميةمكتبة الصورس .و .جبحـثالتسجيلالأعضاءدخول

شاطر | 
 

 حوار بين اتنين عاطلين

اذهب الى الأسفل 
كاتب الموضوعرسالة
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: حوار بين اتنين عاطلين   الإثنين 30 أغسطس 2010, 10:53




شوفوا يومهم عامل ازاى يوم النتيجـه (البكالوريوس)

تررررررن تررررررررن تررررررررررن

الام : الو

هشام : الو..... ازيك يا طنط عامله ايه

الام : الحمد لله و انته عامل ايه يا ابنى

هشام: تمام الحمد لله ممكن اكلم على

الام : و الله على نايم دلوقتى بس لو فى حاجه ضرورى ممكن اقولهالو .....

و لا تحب اصاحيهولك


هشام : ياريت يا طنط تصحيه معلش يعنى


الام : حاضر يا بنى

يا علىىىىىىىىىىىى يا علىىىىىىىىىىى كلم صحبك هشام على التليفون


على : حاضر يا امى انا كونت قايم اصلا


على : الو ........... مين معايه

هشام : كونداليزا رايس


على : يا بنت الايه و مال صوتك احلوكده ليه


هشام : يا عم انا هشام انته هاتستظرف على الصبح


على : بس احنا المغرب دلوقتى يا اتش


هشام : تصدق يلا انا حيوان اصلا ان انا اتصلت بيك علشان اقولك انك اتزفت نجحت


على : طيب ما انا عارف


هشام : عارف ايه ..... عارف انك نجحت


على : لا ...عارف انك حيوان


هشام : ايوه يا عم هزر هزر ما هو الناجح يرفع ايدو


على: اشمعنه


هشام : انته هاتخشلى افيه


على :خلاص يا عم .... المهم التقدير ....هاه التقدير ايه


هشام : مش فاهمك الحقيقه ....ممكن توضحلى النقطه دى


على : بقولك التقدير انا جبت تقدير ايه


هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه


على : يا عم انته هاتزلنى


هشام : عم ايه انته شايفنى واقف تحت بيتكوم مشلح الجلبيه و بقول مسكره يا جوافه




على : مكنتش اعرف ياد ان كليه تجاره بطلع ناس بالمرح و الخفه دى كلها


هشام : يلى معلش عيد الام بقه


على : بلا عيد الام بلا عيد العمال المهم انت عملت ايه


هشام : انا الحمد لله طلعت بجيد


على : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش


هشام : يخرب بيت الزفت اللى بتشربو ومطينلك دماغك ده انا جبت تقدير جيد ياض


على : طيب كويس ربنا يوفقك و مقبول من جيد مش هاتفرق


هشام : على رايك


على : هاه هانعمل ايه دلوقتى


هشام : الحقيقه مش عارف ....محتار بين بيض بالبسطرمه و فول بالسجق


على : يا راجل .... مش تقول انك محتار كده
انا اقولك بص انته تعمل عبيط


هشام : خلااااااااااص يا عم انا اسف


على : اسفك مش مقبول ...بس بجد هانعمل ايه بعد ما اخدنا البكالوريوس


هشام : هانبدا بقه رحلة البحث على شغل كويس علشان ناكل عيش


على :و انتو معندكوش عيش فى البيت و لا ايه


هشام :لا معندناش و مين قالك ان احنا معندناش

على : لا ابدا جالى هاتف


هشام : و جبتو على كام


على : لا هو اتمختر و جالى لوحدو



هشام : بس انا بجد مخنوق اوى من حكايه الشغل دى يا على


على : هـــــــه .....يارب


هشام : يارب ياعم .. بس انته عارف الوسايط و الكلام ده مالى البلد


على: تحيا جمهوريه مصر العربيه يا عم

ماتخفش يا عم ربنا هايفرجها انشاء الله



هشام : و الله يا على ان لولا كلامنا و تهريجنا مع بعض فى بلدنا دى كان الحال رسى بينا على حاجتين

يا اما كنا ولعنا فى نفسنا

يا اما كان اتولع فينا

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
محمد العادلي
مراقب عام
مراقب عام
avatar

عدد الرسائل : 14926
العمر : 54
مزاجى :
تاريخ التسجيل : 31/12/2007

مُساهمةموضوع: رد: حوار بين اتنين عاطلين   الإثنين 30 أغسطس 2010, 22:24



كويس انهم نجحوا

علي الاقل هيبقوا عاطلين رسمي

حاصل علي بكالريوس تجاره ولا يعمل

مهنه جديده ابتكرناها

ضحكني الموضوع اوي

تسلم يازيزو



_________________












بحب القلب لو طيب واقول الله

بكلمة حب تجمعنا لا مال ولا جاه

تعالوا نملأ الدنيا بحب الله

ندوس على كل أحزانا وقوله آه








إذا كنت لاتقرأ إلا مايُعجبك فقط .. فإنك إذاً لن تتعلم أبداً








الرجوع الى أعلى الصفحة اذهب الى الأسفل
نورا
عضو ماسي
عضو ماسي
avatar

عدد الرسائل : 1386
مزاجى :
تاريخ التسجيل : 25/07/2010

مُساهمةموضوع: رد: حوار بين اتنين عاطلين   الثلاثاء 31 أغسطس 2010, 00:55

هههههههههههه
حلو اوى
الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: حوار بين اتنين عاطلين   الثلاثاء 31 أغسطس 2010, 08:28

مشكور عادلى لابتسامتك
خد بقا من ده كتير
شكلك هتضحك لحد السنة الجاية
لاء وايه
طب وصيدلة وتجارة اداب علوم حقوق خدمة اجتماعية
هيصة
ههههههههههه
مشكور اخى محمد لمرورك
وانتى يا نورا
يارب تفضلى تضحكى دايما كده
جميلة الضحكة عليكى

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
البسمة
المشرفه العامه
المشرفه العامه
avatar

عدد الرسائل : 9381
مزاجى :
تاريخ التسجيل : 17/12/2009

مُساهمةموضوع: رد: حوار بين اتنين عاطلين   الثلاثاء 31 أغسطس 2010, 20:05

ههههههههههههههههه

حلو الحوار دا

يا اما كنا ولعنا فى نفسنا

يا اما كان اتولع فينا

هى فعلا دى اخرتهم لولا انهم مكبرين دماغهم

مشكور عالموضوع يا عبد العزيز

_________________





مفيش فى علبة الألوان
ولا لون واضح..
لا الأسود دايما حزين
ولا الأبيض
بقى يعرف يسامح..
بتتقابل الألوان مع بعضها
لكنها بتفترق
أول ما بتنهى المصالح..
لا ده لون الأمان
ولا ده لمسة حنان
ولا ده الدفا
اللى قادر يزيح البرودة.
يااااه..
مفيش لون فضل
زى ما عرفناه.
من يوم ما البحر اختفى
واللون الأزرق تاه..
لا الأصفر هو الخريف
ولا الأخضر
يعنى الحياة..


الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: حوار بين اتنين عاطلين   الأربعاء 01 سبتمبر 2010, 11:50

ضحكتك الجميلة وصلتلى هنا يا بسمة
يجعل ايامك كلها فرحة وسعاده اختى
صباح الخيرات

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
 
حوار بين اتنين عاطلين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحب :: الترفيــــه والتسليه :: اضحك من قلبك-
انتقل الى: