مكالمة تليفون

ترن ترن ترن

موضوعنا النهارده هو عباره عن مكالمه تليفون

مكالمه لا تنسى سعيده او حزينه

كتير ردينا على تليفونات

وكتير اتصالنا بناس

وفيه احداث كتير حصلت معانا فى مكالمات التليفون

ممكن حدث سعيد

او حدث مؤلم لا قدر الله

او مكالمه غيرت مجرى حياتى

او مكاله موقفها مضحك اوى متقدرش تنساه

ايه رأيكم نحكى عن المكالمات دى

فى انتظاركم هنا

فى مكالمات لا تنسى

موضوع جميل اوي يابسمه
ويسعدني اول من يرد عليه

اما عن المكامله فكثير فعلا غيرت مجري حياتنا مكالمات

واتزكر مكالمه كنت مقدم علي سفرية للسعوديه وتخلفت يوم السفر في المطار

وسافر كل اصدقائي وذالك لنقص في تصاريح الجيش لي بالسفر

وعشت اصعب لحظات حياتي لمدة يومين

وجائتني مكالمة الفرج بالموافقه لي بالسفر

اغلي واحلي مكالمه في حياتي لا انساها ابدا

موضوع روعه بجد يابسمه ان شاء الله نتواصل فيه كثيرا

في حياتنا الكثير اوي من المكالمات

شكرا ليكي

تعرف يا بابا ان موقفك دا فكرانى بعمرو اخويا

لو هو موجود كان قالنا على مكالمه زى بتاعتك دى بس للاسف مسافرش فالاخر

كان مسافر يمثل مصر فى مؤتمر للبترول فى قطر

ولنقص تصاريح الجيش مسافرش

يومها طول الليل بيعمل مكالمات علشان يسافر وكلهم للاسف كانوا من غير فايده

ميرسى على مرورك يا بابا

موضوع جميل جدا يا بسمة
اهنيكى عليه وعلى ابداعاتك المتجددة
بس بصراحة زى ما قولتى جاتلنا تليفونات كتير
وانا عن نفسى التليفون ده بالنسبالى نافذتى على العالم
ففى مكالمات كتير فرقت معايا مش اقول ايه منها فاسمحيلى
بس ممكن اقولك على مكالمة حصلتلى من سنتين وانا شايف انها مضحكة من رد فعل صديقى اللى كان نايم جنبى
كان فى فرح هنا مهم جدا بتاع بنت خالتى
وتخيلى نسيتوا وسافرت قبل الفرح باسبوع
راس البر ففوجئت برقم غريب بيرن عليا الصبح بدرى طبعا كنت لسه نايم من شوية
انا بس قولت الووو وفوجئت بسيل شتائم لدرجة انى صاحبى صحى من الصوت
الى طالع من التليفون وبيضحك ضحك هستيرى
على اللى عملتوا خالتى فيا وبجد انا فضلت اضحك يمكن يومين
لغاية مرجعت وحصلت الفرح
بصراحة مكالمة مضحكة لن انساها

الله يا بسمة
دايما موضيعك بتمتاز بالنقاش والوار بين اعضاء
بالنسبة لموضوعك انا حصل معايا مئات بل الالاف من المكالمات التى لا تنسى
منها لحلو والوحش والمضحك والمحزن
بس مش هقول اكتر من مكالمة صغيرة
وتعتبر اخر موقف حصل معايا يوم الخميس الساعه
11 بالليل كنت فى المهندسين ومخنوق جدا بخلص شغل
اتصلت باخويا الكبير قلتلة انا معايا العربية نسافر سوا ونبات مع بعض قالى الشغل وغصب عنى
عيطت جامد اول ما قالى انو مش هينفع
بس هو حس وفضل يقولى انت مسافر وحرام عليك
بعدها بنص ساعه اتصل عليا وقلى هاجى بكرة وهجيلك انا والاولاد يوم الجمعه اللى بعدها نبات مع بعضنا يازيزو
وفضل يكلمنى على التليفون 4 ساعات لحد ما خلصت الشغل وسفرت البلد
بجد ارتحت جدا ولما جالى تانى يوم اخدنى فى حضنة اخويا الكبير بقا يا جماعه

ههههههه

حد ينسى فرح بنت خالتو

تصدق انا خالتى برضو كدا ان عدينا اسبوع وما اتصلناش بيها

تتصل وبس حد يرد يقول الوووو

سيل من الشتائم وبابا يقولها احسن اشتميهم يستاهلوا

ميرسى على مرورك يا ميدو

نورتنى

جميل ان يكون لدينا اخ نلجأ اليه

يستطيع ان يداوى الامنا حتى ولو بمجرد مكالمه تليفونيه

اتمنى لك اخى مكالمات كلها سعاده وفرحه

اشكرك عالمرور اخى

جاتلي مكالمه الساعه خمسه الصبح
ان مرات عمي توفت
اتصلت بكل القرايب
وروحنا نحضر الدفنه بعد صلاة الظهر
لما وصلنا البيت عندهم لقيتها بنفسها في استقبالنا
واكتشفنا انها كذبة بايخه من شخص بايخ
فكرة الموضوع تجنن ياالبسمه
ومواقف الاعضاء اللي ردوا علي الموضوع كلها عجيبه
مشكورررررررررررررررره

هههههههههههههههههههههههه
ايه يا محب مين اللى عمل الموقف البايخ ده
دا هزار رخم اوى

اعجب موقف بصراحه يا محب هو المكالمه دى

هزار رخم بجد

اشكرك جدا عالمرور