منتدى الحب



 
الرئيسيةالبوابةاليوميةمكتبة الصورس .و .جبحـثالتسجيلالأعضاءدخول

شاطر | 
 

 انا المصرى ( الابنودى )

اذهب الى الأسفل 
كاتب الموضوعرسالة
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: انا المصرى ( الابنودى )   الثلاثاء 19 أكتوبر 2010, 13:10

ck]ze=18]

أنا المصري... كريم العنصرين
سليل المخلصين... المؤمنين
وحامي الأمّة في وقت الشدايد
وشقَّاق السِّكك للواردين
ودمّي ملك ليكم... أجمعين
أنا المصري
كريم العنصرين

***
أنا المصري كريم العنصرين
فقدت العقل والصوت والإيدين
وبعد ما كنت نجدةوروح ووقفة
مانيش عارف نسيت ده كله فين
ومين اللي سلبني اسمي مين؟!
أناالمصري
كريم العنصرين

***
وكنت أصرخ أطفِّي النار بصوتي
ويحيي أمّتي في الشدّة موتي
فمين اللي كتب عاري ف جبيني
ومين اللي سرق شعلة سكوتي
وأنا اللي غنايا صحّى العالمين
أنا المصري
كريم العنصرين

***
أنا مِتْباع... ماهيش عادْتَك يا وطني
عدوّ... لِعدو... ومين ما قبضْش تَمَني
صبي البقال يتاجر في الضماير
وأحلى عمري ضاع مستنِّي زمني
بقينا بصمتنا الموت... مُكتفين
أنا المصري
كريم العنصرين

***
كأن الوحل... شدّ الرِّجل منِّي
أنوح وأبكِي وأنا قاصد أغنّي
وواقفين على الشطوط بأيادي سودا
محال.. حيغرّقوني غصْب عني
لو نصبوا في قلبي ميت كمين
أنا المصري
كريم العنصرين

***
بنتها من الهرم للسدِّ... يَدِّي
بنتْها كلهاف لحظة تحدي
وكنت زعيم نبيل ما بين جيفارا
وتيتو وكاسترو ونهرو وغاندي
ومش محتاج أقول أنا كنت مين؟
أنا المصري
كريم العنصرين

***
وكان يخطب تصيب الدنيا ربكة
ومن لبنان يعودأسطول أميركا
ولينا في الوجود كلمة ومكانة
وإخوة في الأمل... دمعة وضحكة
ورقابينا الأبية... مرفوعين
أنا المصري
كريم العنصرين

***
وجُونا اللي رمونا... للمهالك
تقول: "لأّه" يقولولها: "وانتي مالِك"؟
تقول: "لبنان.. أحبابنا الأعزّة.."
يقولوا: "يغوروا.. وتغوروا كذلك"
نسيت من همي أبقي إزاي حزين!!
أنا المصري
كريمالعنصرين
***
وبعنا كل شئ ينباع... بِدِقَّة
بشفافيّة ومن غير أي سِرقة
ونظَّرْنا لِعِلْم النهب... صرنا
بننهب كل شيء... لكن برقّة
بقينا دكاترة وسط النشالين!
أنا المصري
كريم العنصرين.

***
زمان كان فيه مَلِك فاحت روايحُه
وثوار جيش بروحهم يومها ضحّوا
وكان لنا شأن حتى في الهزيمة
وطن كان يعجبك جمعُه وطرحُه
علينا عين وباقي الأمّة عين
أنا المصري
كريمالعنصرين

***
وعاد تاني الملك يحكم بلادُه
ومن بعد السنين دي زاد فسادُه
وكنّا سادة فوق أرض الكنانة
وأصبحنا عبيدُه أو عِبَادُه
وضاع في الزحمة مشوار السنين
أنا المصري
كريم العنصرين

***
وتاني يا الفقيرعاد من يخونك
وتتهان في بلادك عيني عينك
ولا الدِّين مكتفي من مصّ دمَّك
ولا عارف ديونهم من ديونك
وجيت للحق؟ كله سلَف ودين
أنا المصري
كريم العنصرين




ـــــــــــــــــــــــــــــــــــــــــــــــــ

سألت نفسى كثيراً مالذى دعاء هذا الشاعر الجميل
هذا الرجل الذى عاش طيلة حياتة بعيداً عن السياسة
أن يكتب مثل هذه الكلماتالا ان يكون قد حث شئ بالفعل معه
فراودتنى نفسى وتحدثت الى وهى تهمس
الم تكن من اهل هذه البلدة
الم تدرى ما يحدث حولك شباب يقتلون على الحدود
ابناء مشردون دون اباء
شباب يجلس دون عمل
الم تكن يوما ضمن هذه القائمة
انت فى الحقيقة نائم لا تدرك شئ ايها الشخص العجيب
فقلت لها يا نفسى
وما الذى يستدعى ان اتكلم وانبح فى صوتى واعلو به
ولم يدركنى احد او يسمعنى
فقالت لى الست مسلما الست عربيا ايها الشهاب
قال رسولنا الكريم محمد
من لم يهتم بأمر المسلمين فليس منهم
فقلت لها يا نفسى وما يدريكى اننى لو تحدثت
لم يحدث لى سوء
قالت لى يا فتى
من يتحدث بالحق
وبكلام الله تعالى
يحفظة الله
تحياتى
عبدالعزيز موسى
[/size]

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
البسمة
المشرفه العامه
المشرفه العامه
avatar

عدد الرسائل : 9381
مزاجى :
تاريخ التسجيل : 17/12/2009

مُساهمةموضوع: رد: انا المصرى ( الابنودى )   الثلاثاء 19 أكتوبر 2010, 15:51

القصيده دى بحبها اوى

الابنودى شاعر رائع

اطال الله فى عمره

مشكور عالنقل الرائع اخى

_________________





مفيش فى علبة الألوان
ولا لون واضح..
لا الأسود دايما حزين
ولا الأبيض
بقى يعرف يسامح..
بتتقابل الألوان مع بعضها
لكنها بتفترق
أول ما بتنهى المصالح..
لا ده لون الأمان
ولا ده لمسة حنان
ولا ده الدفا
اللى قادر يزيح البرودة.
يااااه..
مفيش لون فضل
زى ما عرفناه.
من يوم ما البحر اختفى
واللون الأزرق تاه..
لا الأصفر هو الخريف
ولا الأخضر
يعنى الحياة..


الرجوع الى أعلى الصفحة اذهب الى الأسفل
عبدالعزيز موسى
مشرف
مشرف
avatar

عدد الرسائل : 3588
مزاجى :
تاريخ التسجيل : 21/04/2010

مُساهمةموضوع: رد: انا المصرى ( الابنودى )   الأربعاء 20 أكتوبر 2010, 07:50

قوليلى بقا يا بسمة
انتى مصرية
وبتنتمى للحكومة المصرية والرئاسة المصرية
مش مشكلة
مهما كان
بحبك يا مصر
الابنودى ربنا يديلة الصحة ويخليلة بهية
على رآى الشيخ كشك
تحياتى لكى اختى لمرورك الكريم

_________________


اللهم توفنى ساجداً بين يديك اللهم تقبل دعائى انك سميع بصير

الرجوع الى أعلى الصفحة اذهب الى الأسفل
 
انا المصرى ( الابنودى )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الحب :: الشعر والخواطر :: بوح القلوب-
انتقل الى: