كوميديا × سياسة

مره وزير كان واقف بيبص من البلكونه لقى ديب بيجرى شويه ولقى كلب بيجرى

شويه ولقى حمار بيجرى قال اشوف ايه اللى بيحصل قعد يجرى ورا الديب لحد اما حصله بيقوله بتجرى ليه رد عليه الديب وقاله انا ماليش عيش فى البلد دى الانسان بياكل اخوه الانسان سال الكلب بتجرى ليه قاله ماينفعش اعيش هنا كل ماهوهو على حرامى ماحدش بيعبرنى سال الحمار وانتا بتجرى ليه قاله والله ياباشا انا زيى زيك لقيتهم بيجرو جريت وراهم

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الوزير خطفوه و الفدية 5 دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين' !

وقف الزعيم الديمقراطي يلقي خطبة أمام الشعب فاندمج في خطابه و أخذ يقول : نحن بلد الديمقراطية نحن بلد التقدم نحن بلد التطور فقام مواطن و قال : سيادة الرئيس أين الديمقراطية؟ أين التقدم؟ أين التطور؟ فلم يرد الرئيس و اندمج في خطابه و أخذ يردد: نحن بلد الديمقراطية نحن بلد التقدم نحن بلد التطور فقام مواطن اخر و قال : سيادة الرئيس أين الديمقراطية؟ أين التقدم؟ أين التطور؟ أين الرجل الذي كان بجانبي؟

بيقولوا لرئيس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

مره توني بلير و بوش والرئيس الملك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام ا لرئيس الملك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

مرةرئيس عايز يزود شعبيته فقال لرئيس الوزرا يعلي الأسعار فالناس تتضايق يقوم هو منزلها.
فعلا رئيس الوزرا زود الأسعار، بس الناس ما اتكلمتش، عادي خالص.
الريس استغرب قوي و قال لرئيس الوزرا "طب خلي الضرايب على المرتبات خمسين للمية".
زود الضرايب على المرتبات خمسين ف المية الناس هزت دماغها و سكتت.
الريس اتجنن و قال لرئيس الوزرا "بص، طلع أي قرار غشيم من عندك يخلي البلد تولع" رئيس الوزرا عمل ضريبة للي يعدي كوبري يدفع عشرة جنيه.
الناس نفخت و ضربت كف بكف و دفعوا.
رئيس الوزرا خلى اللي يعدي يدفع عشرة و عشرة و هو طالع م الناحية التانية.
الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه و أمر إن اللي يعدي بعد ما يدفع عشرة و هو خارج م الكوبري ياخد على قفاه.
ونزل الريس بنفسه متنكر يتابع الموقف. الناس تدفع و هية معدية عشرة جنيه و عشرة جنيه و هية طالعة و تاخد على قفاها و تمشي.
شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتضربنا على قفانا شويه!!!!!!!!"

هههههههههههه نكت مضحكه جدا

بس انا مليش دعوه بيك ها

عشان عندى ولاد وعايز اعيش واربيهم هههههه

يانهارك ابيض
بتتخلى عنى
على فكرة النكت دى مش مصرية خليجية
بس ايه
جامده
تقريبا هيغلبونا فى النكتة يا نورا
ضحكتك جميلة اوى
وحشتنى بجد

اه يابني النكت دي

شكلك مدمن سياسه

النكته دي فضلت اضحك عليها ساعه

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الوزير خطفوه و الفدية 5 دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين' !

يخرب عقلك ياعبد العزيز

نكتك جامده

طب الحمد لله انى شفت ضحكتك تانى
على فكرة
والله النكتة دى بالخص
اختى بعتتهالى فى رسالة كنت تعبان
ربنا يعلم بحالى بعدها
بس مكنتش على الوزير
كان على الكبير اوى
تحياتى لك اخى العادلى
ربنا يكرمك يارب واشوفك
بتساهم بفدية
تحياتى لك اخى فى الله