ليه مش بتمسك ايدي ؟

التطور الزمني بين زوجين ...

قبل الخطوبة ..

إنت ليه مش بتمسك إيدي واحنا ماشيين في الشارع؟'
'لأ بلاش...افرضي حد من قرايبك شافنا؟
والا حد من أصحاب أخوكي في الكلية؟
إن شاء الله يا حبيبتي بكره نتخطب وامسك إيديكي أدام الدنيا كلها '.

-

***
بعد الخطوبة
*** *** *** *** ***
'إنت ليه مش بتمسك إيدي واحنا ماشيين في الشارع؟'
'علشان مش عاوز حد يفتكر إننا علشان اتخطبنا هنصيع بقى ونعيش حياتنا..
.وبعدين بصراحة كده أنا مستحرم ... إن شاء الله بكره نتجوز
وامسك إيدك وإنتي مراتي حبيبتي في الحلال'.

***
بعد الزواج
*** *** *** *** ***
'إنت ليه مش بتمسك إيدي واحنا ماشيين في الشارع؟'
'يا حبيبتي إحنا مش مراهقين بقى هنمسك إيد بعض في الشارع وكده...
.إحنا اتنين متجوزين ومحترمين وعندنا بيت نعمل فيه اللي عاوزين نعمله'.

***
بعد انجاب الاولاد
*** *** *** *** *** ***
' إنت ليه مش بتمسك إيدي واحنا ماشيين في الشارع؟'
'يعني امسك إيدك والا امسك إيد البنت والا اشيل الأكياس دي كلها؟!'

***
بعد 25 سنة زواج
*** *** *** *** *** *** ***
'إنت ليه مش بتمسك إيدي واحنا ماشيين في الشارع؟'
'إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟

***
بعد 50 سنة زواج
*** *** *** *** *** ***
'إنت ليه مش بتمسك إيدي واحنا ماشيين في الشارع؟'
يعني امسك ايدك واسيب العكاز علشان اقع مانا عارف عايزة تخلصي مني عشان تورثي!

ههههههههه
لا بالعكس بقى الرجاله هما اللى بيتحايلوا عالستات علشان يمسكوا ايديهم
دا فالخطوبه طبعا فالجواز بقى
بيحصل الكلام اللى بتقوله دا

انا كمان رأيى زى روان

كدا قبل الجواز الرجاله هما اللى بيتحايلوا عالستات يمسكوا ايديهم

بعده بقى بيبقى مش طايقاها ولا طايق ايديها

الموضوع ضحكنى اوى دمت بسعاده يا محب الخير

مبسوط اوي ان النكته عجبتكم ياوران وياالبسمه
والحقيقه بقي عكس النكته خالص زي ما قلتم

هههههههههههههه

حلوه اوي يامحب

شكرا علي البسمه الجميله