افتح قلبك

السلام عليكم

وردتك ياسوزي ولا اروع

متشكر اوي عليها

عاوز اقول

يا رب عيد سعيد على الأطفال الأيتام..

السلام عليكم

عدنا

النهارده اليوم التالت من العيد

يعني بالعربي هرجع تاني اصحي بدري علشان اروح شغلي

حاسس ان الاجازه جريت

محستش بيها

كمان عندي احساس رخم اوي

اني معيدتش

غير اول يوم لما سافرت لبنها ابوس ايد امي واقولها كل سنه وهيا طيبه

ورجعت في نفس اليوم لبيتي

عموما هيا دي سنة الحياه

يوم هنا ومايه تعب

يالا يارب يكون كل اخواتنا قضوا عيد جميل

وكل سنه والكل بخير

وفاصل ونواصل

اولا احب اقولكم كلكم انكم وحشتونى اوى
ويا رب تكونوا قضيتوا عيد سعيد يا رب
ويا مستر فعلا دى سنه الحياه
والايام عمرها ما هتكون كلها حلوه
وزى ما انته بتقول برده
يوم واحد حلو وعشره مر
بجد
يلا
على اى حالى الحمد لله
ويا رب ايامك الجايه تكون عيد عليك
وسعيده يا رب

فاص ونواصل

السلام عليكم

عدنا

خايف اقول بستمتع الايام دي بايه من سوزي اوي

عارفها مبتحبش الكوره

بس الصراحه لما يبقي كاس عالم وفي مصر

حاجه مشرفه اوي

مستمتع بكاس العالم للشباب

يارب مصر تحقق مراكز متقدمه في البطوله يارب

وفاصل ونواصل

السلام عليكم


عدنا


بقول ليكي ياسوزي ان طبيعي اوي الايام دي ان المنتدي يبقي فاضي

انا متعود علي كده كل موسم

واقصد بموسم هوا موسم الدراسه

ببقي قاعد في المنتدي لوحدي كتير

كنت داخل اقول علي طرفه حصلتلي

بس هخليها للمره الجايه

الطرفه تخص اكله جربتها من قسم تحب تاكل ايه

الاكله اللي حطاها سوما هلال

بس موضوع يموت من الضحك

وفاصل ونواصل

السلام عليكم





عدنا


هقول علي الموقف بتاع الاكله

الاكله دي اسمها دجاج علي الطريقه المكسيكيه

عملت التتبليه

كانت كميه مش مناسبه للفراخ اللي هتتقلي

المهم لما اكتشفت كده

قولت احط التتبليه من فوق قطعة الدجاج وبس

علشان تكفي

المهم بعد ما قليت وكنت عازم اخوايا واولاده

وقدمت ليهم الاكله

طلبوا مزيد

مكنتش متوقع ان نصف التتبيل احسن من كله

هههههههههههههههه

علشان بس تعرفوا الرجاله ونفسهم في الاكل

يالا يااجمل اعضاء في الدنيا

فاصل ونواصل

طيب كويس والله يا مستر
بجد برافو عليك
ابقى حضر الاكله دى تانى عاوزه اكلها من ايدك
هجيلك بكره
استنانى

وكمان ميرسى على ان حضرتك دايما منور الموضوع ده
بجد شكرا اوى

السلام عليكم


عدنا

الصراحه الموضوع ده ياسوزي قلبي ارتاح ليه اوي

فى مدينة البندقية؛وفى ناحيه من نواحيها النائية

كنا نحتسى قهوتنا فى أحد المطاعم فجلس الى جانبنا شخص؛وقال للنادل

اثنان قهوة من فضلك واحد منهما على الحائط

احضر النادل له فنجان قهوة وشربه صاحبنا

لكنه دفع ثمن فنجانين وعندما خرج الرجل قام النادل

بتثبيت ورقه على الحائط مكتوب فيها فنجان قهوة واحد

..وبعده دخل شخصان وطلبا ثلاثة فناجين قهوةواحد منها على الحائط

؛فأحضر النادل لهما فنجانين قهوة فشرباهما

ودفعا ثمن ثلاثة فناجين وخرجا؛فما كان من النادل

إلا أن قام بتثبيت ورقة اخرى على الحائط مكتوب فيها فنجان قهوة واحد

وفى أحد الايام كنا نجلس بالمطعم فدخل رجل يبدو عليه الفقر فقال للنادل

فنجان قهوة من على الحائط؛فأحضر النادل له فنجان قهوة

فشربه وخرج من غير أن يدفع ثمنه..ذهب النادل إلى الحائط

وأنزل منه واحدة من الاوراق المعلقه ورماها فى سلة المهملات

.تأثرنا طبعا بهذا التصرف الرائع من سكان المدينه

والذى يعكس واحد من أرقى أنواع التعاون الانسانى

فما أجمل ان نجد من يفكر أن هناك أناساً لايملكون ثمن الطعام او الشراب

ونرى النادل يقوم بدور الوسيط بينهما بسعادة بالغه

وبوجة طلق باسم؛ونرى المحتاج يدخل المقهى وبدون ان يسأل

هل لى بفنجان قهوة بالمجان؛فبنظرة منه للحائط

يعرف أن بإمكانه ان يطلب ومن دون أن يعرف من تبرع به

اعتقد ياسوزي ان من ورا الموضوع درس جميل

وعن الاكله وعد اول ما اعزم ناس واجي اعملها هتكوني اول المعزومين عليها

اجمل ما في الموضوع ياسوزي متابعتك ليه الجيده رغم مسؤلياتك

انا اللي بشكرك اوي علي تواجدك الهايل في الموضوع

النهارده جايب برضو موضوع بس صغير

لو حبيبك سمح ليك تكتب علي ايده كلام تكتب ايه

انا مثلا هكتب

ربنا خلق ابليس ماكر فاجر ملعون

وخلقني بيكي مغرم عاشق مفتون


يالا اللي يدخل يقولنا هيكتب ايه

وينفع ناخد الفكره نعمل بيها موضوع في الالعاب

وياريت تتبني الموضوع ياسوزي وتنزليه

بس برضو اللي يدخل يقول هيكتب ايه لو سمحتوا

وفاصل ونووووووووووووووووووووواصل

ميرسى بجد
يا مسترىىىىىىىىى
اقتراح هايل اوى اوى اوى
ان شاء الله هنزل الموضوع ده فى الالعاب
بجد هاااايل

وهكتب يا مستر على ايدى حبيبى
يعنى لزم اجى عندك واشد فى شعرى واصرخ وااقول بحباااااك

وبرده دى
زى رساله احلى دنيا

حاضر يا احلى دنيا
فى اقرب وقت والله
اول اما هدخل تانى هتلاقيه نازل قدامك


الصوره هايله وبجد بجد
عجبتنى
يا ترى فى سبب ان حضرتك حطتها
ولاه عادى يعنى؟

حاططها ياسوزي يمكن تعجبك وتطلبي مني احطهالك في توقيعك

مش لاي سبب تاني

كمان هيا شكلها رومانسي اوي